Kokapena
Hizlariak
Maider López artistak espazio publikoan eta arkitekturan esku hartuz garatzen du lana. Bere lanak asko erakutsi dira estatuan eta nazioartean, adibidez, Venezia, Istanbul, Sharjah eta Prospect-eko biurtekoetan. Proiektuak egin ditu espazio publikoan, hala nola Ataskoa, Polder Cup edo Playa, eta honako erakusketa hauetan parte hartu du:
Arnasa, Arte Ederren Museoa, Bilbo (2022); Hummings, KØS Espazio Publikoetako Arte Museoa, Danimarka (2021); Arnasa, Arte Ederren Museoa, Bilbo (2020); Art is happening, Statens Konstrad, Suedia (2019); Prospect 4. Contemporary Art Triennial. New Orleans (2017); 1645 Tizas. Matadero, Madril (2016); Desplazamiento. Koldo Mitxelena eta MARCO (2015); Play Time. Les Ateliers de Rennes, 4a Biennale D'art Contemporain. Rennes. Frantzia. (2014); Mom, I am Barbarian? 13 Istanbulgo biurtekoa (2013); Mountain. Lower Austria Contemporany (2013); Polder Cup, Skor and Witte de With, Holanda (2010); Eclats, Centro Pompidou-Metz (2010), Sharjah Biennial 9, Arabiar Emirerriak (2009); Line of sight, Zendai Museum of Modern Art, Shanghai (2008); SCAPE Christchurch Biennial of Art in Public Space, Zeelanda Berria (2008); AdosAdos, Guggenheim Bilbao (2007); Columnes, Caixa Forum, Bartzelona (2006) eta Veneziako 51. Biurtekoa (2005).
Antolatzaileak
Proiektuaren helburua da hiriko balkoi zehatz batzuetako landareak Zabalgune eraikineko aretora eramatea. Aretoan balkoi jakin batzuetako landareen konfigurazioa eta banaketa birsortzea. Eguneroko elementu baten translazioa, lekualdatzea eta testuingurutik ateratzea, hiria behatzera eta pertsonek balkoietan dituzten landareetan eta sortzen dituzten lorategietan arreta jartzera gonbidatzen duena. Ekintza parte-hartzailea egingo da landareak hirian zehar oinez eramate aldera; garraiolari eta parte-hartzaileekin egingo da, segizio gisa, eta balkoiko etxebizitzatik Zabalgune Eraikinera oinez joango dira, prozesioan, landareak lagun dituztela.
Hirian zehar ibiltzen naizenean, balkoiei erreparatzen diet, batez ere bertako biztanleek lorategiak sortzen dituzten balkoiei, guztion ongizaterako lagungarriak baitira. Balkoi tipografia desberdinak daude. Batzuk altuera, tamaina eta espezie desberdinetako landareak dituzten eta balkoiaren espazio osoa betetzen duten landare-baratzeak dira, beste batzuek lurrean geranio lerro bat edo landare bakarra besterik ez dute. Horiek guztiak lorategiak dira, zaindu egin behar izaten dira eta hiria eraikitzen dute. Balkoiak eta horietako landareak, hiria eratzeko osagaiak dira, haiei lotzen eta konektatzen gaituen elementuak alegia.
¿Parte hartu nahi duzu?
Azaroaren 17an, igandea, 11:30ean elkartuko gara Gurutzeko Iturriaren aurrean (Portal de Zamudio kalea, Alde Zaharra, Bilbo).
Balkoiak hirian zehar mugitzeko paseo kolektiboa izango da. Balkoietako lorategietan fokua jartzea hiria eratzeko elementu gisa, pertsonek hiria diseinatzeko duten gaitasuna azpimarratuz, eguneroko ekintzen eta landareekiko zaintza-harremanaren bidez.
Parte hartu nahi baduzu, eman izena esteka honen bidez.
