Bideotikan Workshops
VJing Resolumerekin eta Touch Designer Camile Duhartekin
Kokapena
Hizlariak
Camile Duhart artista bisuala eta videojockeya da. Bere lanean teknologia eta artea uztartzen ditu ziberkultura, arte zinetikoa eta gai arraroak aztertzen dituzten murgiltze esperientziak sortzeko. Ikus-entzunezko arte proiektuak, live visual proiektuak, instalazioak eta pinturak baliatuz, bere artelanek mundu fisikoaren eta birtualaren arteko etengabeko talka eragiten dute. Camilek musika elektronikoaren eszenako artista eta kolektiboekin kolaboratu, sortu eta esperimentatzen du. Arte Ederretan graduatua da Bartzelonako Unibertsitatean (UB), eta Arte Bisual eta Multimediako Masterra egin du Valentziako Unibertsitate Politeknikoan (UPV).
Antolatzaileak
Bi eguneko tailer honetan arte bisualen eta VJing esparruko tresna garrantzitsuenetako birekin lan egiten ikasiko duzu: Resolume eta TouchDesigner.
Camile Duhartek irakatsiko du, eta oinarrietatik hasi eta teknika aurreratuetara arte aztertuko dituzu, tartean kameren integrazioa, 3D inguruneak sortzea, audio-erreaktibotasuna, mapatzea, feedback analogikoa eta adimen artifizialeko erremintak erabiltzea.
Ikasturtean zehar mundu fisikoa eta birtuala nola konektatu ikasiko duzu, parekorik gabeko elkarrekintza proiektuak garatzeko. Horrez gain, ikasitakoa aplikatzeko aukera ere izango duzu eta, nahi izanez gero, amaierako performancean zure proiektu propioa aurkeztu ahalko duzu.
Tailerra artista bisual, VJ, musikari eta elkarrekintzako eta ikus-entzunezko sorkuntzan interesatutako edonori zuzenduta dago. Ez da aurretiazko esperientziarik behar; ordenagailu eramangarri bat eta sorkuntza aukera berriak bizi eta esperimentatzeko gogoa baino ez da behar.
Informazio gehiago
Tailerrak bi eguneko iraupena izango du. Lehenengo egunean sarrera bat eskainiko da, oinarrizko mailatik hasi eta aurreratura arte, praktika txikiak barne.
Bigarren eguna (hilak 16, 16:00etan) egindako proiektuaren hautazko aurkezpenari eskainiko zaio, barneratutako ezagutzak eta baliabideak erabiliz.
Ikasleek behar duten materiala: ordenagailu eramangarri indibidual bat eta (hautazko) midi kontrolagailua.
