Podcasting

Estela Miguel eta Markel Gonzalez artista plastiko eta diseinatzaileak dira, H05 markaren eta PROYECTO HEMEN-en sortzaileak. Geroago, Estel Fálgas historialaria eta Mireia Olabarrieta moda diseinatzailea batu ziren proiektura, indarrak batu eta mugak zabaltzeko.

2016an, elkarrekin hasi ziren lanean Bilboko Ronda kaleko lantegian, eta Proyecto Hemen, Neo-artisautza Lantegia sortu zuten; komunitatea sortzeko, lan egiteko modu ezberdinak, artisautzaren balioa eta esperimentazio materiala bultzatzeko. Sorkuntza garaikideko espazio honek ehungintza eta zeramika garapen sortzailerako ardatz gisa kokatzen ditu, objektuen balioa eta janztearen kontzeptua birpentsatzeko aukera emango diguten tresnak, denbora eta prozesuak partekatzeko nahiaren pean.

H05, haien jantzi eta objektuen marka, testuinguru horretatik azaleratzen da. H05ek tokiko ekoizpena egiten du, giza eskalan, modu zainduan eta hurbilean. H05ek ikuspegi inklusiboa du, generoaren gaia desitxuratzen du denboraz gaindiko pieza moldagarriekin; jantziak daramatzan pertsonak artikulatu behar dituen dispositiboak direla ulertuta, norbere beharren eta unearen arabera. Bata eta bestearen aldaketak, esperientziak eta balioak islatzen, transferitzen eta sintetizatzen saiatzen da H05.

Honako leku hauetan erakutsi dute haien lana: La Encartada (Bilbao, 2018), DualClub (Espacio Tangente, Burgos) Kulturkutxa Tabakalera, (Donosti, 2021) DRS, (Bilbao, 2022) MBFW, (Madrid, 2024), Archivo (Azkuna Zentroa, 2024), Green Glam (La Perrera, Bilbao, 2025), Festival Paisaje (Albacete, 2025), Harriak de Eremuak (Amorebieta, 2025), La Encartada (Balmaseda, 2025), Basquerville (Vitoria, 2025). Han sido publicados en números medios como Neo2, Metal Magazine, Número Japón, El Mundo Cultural, Vanity, Sleekmag y Wonderland. 
 

Adele Orcajada material ikertzailea da eta MaterialDriven diseinu eta materioteka estudioaren bazkide sortzailea. Esperientzia handia du berrikuntzan eta material berriak garatzeko hainbat sektoreren arteko lankidetzan. Basque BioDesign Center-eko zuzendari akademikoa izan zen, eta, gaur egun, Material, Ehun Teknologia eta Biomaterialetako irakaslea da. Horrez gain, Moda Diseinuko eta Zirkularitateko Masterra koordinatzen du Bilboko IED Kunsthalen. Biodiseinuko ikerketa akademikoko proiektuak garatzen ditu, eta horietan materialen, kulturaren eta modaren eta diseinuaren jasangarritasunaren arteko erlazioa aztertzen du. Diseinurako metodologia berriak, biooinarritutako materialen ikuspegia, biziberritze-diseinua eta berrikuntza eta ikaskuntza irekira bideratutako hezkuntza-tresnak uztartzen ditu bere lanak. Gaur egun, doktoretza egiten ari da Elisavan (Bartzelona), biodiseinu-hezkuntzan eta hura industrian aplikatzean oinarritua, eta europar proiektuetan parte hartzen du, hala nola TEACH4SD proiektuan, garapen jasangarrirako eta lanbide-heziketan funtsezkoak diren gaitasunei buruzkoa.

Ana Gazpio diseinatzaile estrategikoa da, eta inpaktuari zuzendutako dot. diseinu-estudioan egiten du lan. Pentsamendu sistemikoan eta etorkizunekoetan oinarritutako ikuspegiarekin, bere lanak hainbat diziplina uztartzen ditu: produktu eta zerbitzuen diseinua eta zuzendaritza sortzailea, berrikuntza soziala eta narratiba berrien diseinua. Diziplina anitzeko taldeen buru da, eta diseinuak gidatutako proiektu estrategikoak garatzen ditu, betiere arazoaren edo erronkaren ulermen sakonetik eta balio erreal eta esanguratsua sortzeko bokazio argitik abiatuta. Dot.-en etorkizuneko erronka berriei aurre egiteko irtenbide hautemangarriak sortzen dituzte. Duela hamarkada bat baino gehiagotik, lankidetzan aritzen ziren hainbat sektoretako tokiko eta nazioarteko erakundeekin (besteak beste, mugikortasuna, osasuna, hezkuntza eta teknologia), eta berrikuntza-prozesuetan laguntzen zieten, asmo oneko irtenbideen bidez eragin positiboa sortzeko.

The Future Game Z belaunaldiaren ikuspegiak eta balioak arakatzeko ikerketa gamifikatuko tresna da. Jolasean oinarritutako eta etorkizunera bideratutako esperientzien bidez, modu naturalean azaleratzen dira desira, kezka eta asmo sakonenak, etorkizun desiragarri eta osasuntsuak modu kolektiboan irudikatzeko lur emankorra sortuz.

BBK Klima – Ingurumen sentsibilizaziorako esperientzia-parkea. Urdaibaiko Biosfera Erreserban esperientzia-parke baten diseinua, ingurumen-gaiei buruz (ura, elikadura, mugikortasuna/energia) sentsibilizatzeko, jolas- eta familia-esperientzien bidez.

Andrea Fernández komunikatzailea eta podcast-en sortzailea da, kontatzea merezi duten istorioei ahotsa emateko grina du. Txikitatik mundua ulertzeko berezko kuriositatea sentitu du, gaur egun Curiosum Tremens-en bidez kanalizatzen duen jakin-mina. Podcast honetan, istorioak bakarrik entzuteaz, partekatzeaz eta kontatzen uzteaz harago, horiek entzuten dituztenengan zerbait mugitu eta pizten duten elkarrizketak bideratzen ditu. Bere lanak markentzako Branded Podcast-ak sortzera eraman du, bere komunikazio bultzadatik aukera profesional berriak irekiz.

Caóstica kultur elkarteak Bilbon du egoitza, eta 2003az geroztik Caostica Film Laburren eta Bideoklipen Nazioarteko Jaialdia antolatzen du, ikus-entzunezkoen alorrean erreferentzia urratzaile eta lotsagabeena. Jaialdiak, Goya sarietarako kalifikatzaile dena, sormena sustatu nahi du eta ikusgarritasuna eman nahi die zinema eta bideoklipetako proposamen berritzaileei. Horrez gain, Caóstica-k ekimenak bultzatzen ditu, hala nola Tracking Bilbao, kultura digitalari eta transmediari buruzko diziplina anitzeko jardunaldiak, eta Gizazinea, balioetan oinarritutako hezkuntza, giza eskubideak eta ikus-entzunezko sorkuntza batzen dituen programa.

La Hora Canibal adimen urdurientzako irratsaio emozionalki aktibista da, Borja Crespo herri-kulturan adituak egindakoa. Crespo idazlea eta zinemagilea ere bada, bere espiritua askatzen duten beste lan batzuen artean. Pertsonaia bikainek Crespo kanibalarekin trukatzen dituzte beren bizitzari eta mirariei buruzko, zein existentziari buruzko berritsukeria mistikoak, oro har, Maitasunetik Apokalipsira doazen abestiak entzuten dituzten bitartean.
 

Shaun Elay mundu osoan da ezaguna da zuzenean, formatu handian eta horretarako erreferenterik erabili gabe negatiboan ilustratzen duen artista bakarra delako. Publikoak bere obrarekin zuzenean interakzioan jardun dezake bere mugikorrak erabiliz. Esperientzia harrigarria, berritzailea eta bakarra da.