Bideotikan Workshops I
Olivia Jack artista eta programatzaileak sortutako “Live Coding” bideo sintetizadorea eta ingurunea da Hydra, nabigatzailearen gainean funtzionatzen duena. Software librekoa da eta hasiberrientzat zein adituentzat pentsatuta dago.
Sintaxia bideo analogikoaren eta modularraren sintesian oinarritzen da, eta bertan bisualak sortzen dira hainbat transformazio dituzten seinaleen interkonexioaren bidez.
Lantegiak 6 orduko iraupena izango du eta ikasleek interneterako konexioa duen ordenagailu eramangarri bat besterik ez dute ekarri beharko. Interneterako konexioa zentroak jarriko du. Lantegian dokumentazioa, erreferentziak eta oinarrizko kodea banatuko dira, ikaskuntza errazteko.
Ana Herce arkitektoa eta artista digitala da, live coding eta bisual sortzaileetan esperientzia handikoa. Soinuaren eta bideoaren arteko esperimentazioa hiri ingurunearen fenomenologia aztertzeko tresna gisa erabiltzen duten egonaldi eta proiektuetan parte hartu du.
Bere ikuspegiak ikerketa arkitektonikoa, ikus-entzunezko esperimentazioa eta murgiltze esperientziak sortzeko tresna digitalak uztartzen ditu.
