Bizitzarako lurraldeak - DISEINATOIA

Topaketa honetan hainbat unibertsitatetako eta goi-mailako diseinu-eskoletako ikasleak bilduko dira eta modu parte-hartzailean lurraldeko 5 enpresek zehaztutako erronka errealei erantzuteko soluzioak asmatuko dituzte, diseinuaren diziplinaren begiradatik.

Hauek dira parte-hartuko duten enpresa eta erakundeak eta aurkeztutako erronkak:

IHOBE - sozietate publiko bat da, Eusko Jaurlaritzako Industria, Trantsizio Energetikoa eta Jasangarritasuna Sailari atxikita dagoena.
Aurkeztutako erronka: Nola erraztu diezaiekete tokiko gobernuek kontsumitzaileei produktu konpongarriak/konponduak hautatzea eta erostea?

GRUPO SSI - gizarte-kalteberatasuneko eta mendekotasuneko egoeran dauden pertsonen gizarte-premiei erantzun integrala eta berritzailea emateko helburua duen kooperatiba da.
Aurkeztutako erronka: Nola azal dezakegu, diseinu eta komunikazio estrategien bitartez, komunitatearen partaidetzarako programa (SERPAC), zerbitzu honen erabiltzaile potentzialen artean (nahi gabeko bakardadean bizi diren pertsonak) desioa eta konfiantza sortzeko?

IBILKARI - autoaren erabilera zentzudun eta arduratsua sustatzeko 2009. urtean sortutako ekimen bat da, euskal eremuan car sharing-a bultzatzen lehenengo hasi zen Eusko Car Sharing Elkartea eskutik jaioa.
Aurkeztutako erronka: Nola egokitu dezakegu Ibilkari Bilbo zerbitzuaren erabiltzaileekiko harremana, antolakuntza-eredu kolaboratiboago baterantz aurrera egiteko eta proiektuaren iraunkortasunarekin konprometitutako komunitate bat eraikitzeko?

H-ENEA - Living Lab-a da, irabazi asmorik gabeko erakundea, eta Sustapen Ekonomikoaren (Enpresen Klusterra) eremuan berrikuntza irekia inplementatzen duena, etxeko sektorean (Sukaldaritza Etxea, Etxe Osasungarria, Etxe Iraunkorra).
Aurkeztutako erronka: Nola diseina genezake sare sozial presentzial/digital bat interkonektatutako sukaldeen inguruan belaunaldien arteko konexioa sustatzeko, sukaldatzen ez dakiten pertsonei  sukaldatzen ikasten laguntzeko eta, aldi berean, nahi ez den bakardadea murrizten laguntzeko?

GOIENER - energia berriztagarrien sorkuntza eta kontsumo kooperatiba da, subiranotasun energetikoa berreskuratzeko helburua duena.
Aurkeztutako erronka: Nola berma dezakegu zaurgarritasun egoeran dauden pertsonen hitza eta parte-hartzea EBK-k abian jartzeko prozesuetan, gerora komunitate horiek inklusiboagoak eta pluralagoak izan daitezen?

Diseinatoian parte-hartzaileen artean irtenbideak lankidetzan bilatuko dira eta enpresek aurkeztutako erronkei aurre egiteko prototipoak, artefaktoak, zerbitzuak, proposamenak… irudikatu eta eraikiko dira. Ekitaldia Tipi Kooperatibak dinamizatuko du eta parte-hartzaileei laguntza eta gidaritza eskainiko dieten mentore-adituak ere izango dira (zerrenda konfirmatzeke).

Diseinatoian 3 “irabazle” aukeratuko dira, modu parte-hartzailean eta bozka popularraren bitartez. Irabazleek proposamenak aurkeztuko dituzte BBDW24aren itxiera ekitaldian publiko zabalaren aurrean.