Kokapena
Hizlariak
Gabriela Rendón Nueva Yorken bizi den arkitekto, ikertzaile eta hiri-planifikatzaile mexikarra da. Bere lanaren xedea, betiere Hirirako Eskubidearen ikuspegitik abiatuta, hiria eta etxebizitza berregituratzeko eta garatzeko politikak, programak eta tresna publikoak aztertu, garatu eta ezartzea da. Rendón Urban Front eta Cohabitation Strategies ekimenen sortzaileetako bat da, eta hainbat proiektuen buru izan da Europa, Ipar Amerika eta Latinoamerikako hirietan. Gaur egun Hiri Plangintzako eta Garapen Komunitarioko irakasle elkartua da, eta Nueva Yorkeko Parsons School of Designen Housing Justice Lab-eko zuzendari-sortzailea da. Bere lana Veneziako Biurtekoko Nazioarteko 17. Arkitektura Erakusketan, Arte Modernoko Museoan, San Diegoko Arte Garaikideko Museoan, Portugalgo 2016ko Hirurtekoan, Vienako 2015eko Biurtekoan, Istanbulgo 2012ko Diseinu-Biurtekoan eta Rotterdamgo Nazioarteko 4. Arkitektura Biurtekoan erakutsi da.
Pau Aleikum multimedia diseinatzailea eta Domestic Data Streamers-en sortzailea da. 2013tik Bartzelonan egoitza duen estudio honek 45 herrialde baino gehiagotan "info-esperientzia" murgiltzaileak eta adimen artifizial generatiboko proiektuak ikertu eta ekoitzi ditu besteak beste Nazio Batuak, Bartzelonako Udala eta Citizen Lab bezalako erakundeentzat. Datu eta Diseinu Masterraren zuzendaria da ELISAVA Unibertsitatean. Gainera irakasle gonbidatua da New Yorkeko SVAn, Hong Kongeko Diseinu Institutuan, Londresko Royal College of Arts-en eta Bartzelonako Ekonomia Eskolan. 2021ean HeyHuman! sortu zuen, musika, kazetaritza, ikerketa artistikorako datuak eta justizia soziala uztartzen dituen egoitza artistikoen programa. Normalean ez du hirugarren pertsonan hitz egiten.
Martí Guixé (Bartzelona, 1964). Bartzelonan eta Milanen trebatua da barne- eta industria-diseinatzaile gisa. 1994an, Berlinen bizi zela, produktuen kultura ulertzeko modu berria formulatu zuen, eta 1997tik aurrera bere lana azaltzeari eta erakusteari ekin zion; lan horren ardatza bizimoduak aldatzen dituzten produktu-sistema berrien bilaketa, diseinua elikagaien esparruan sartzea eta performancearen bidez aurkeztea da. Bere begirada ez-konbentzionalak ideia bikainak eta sinpleak eskaintzen ditu, eta horrek hainbat aintzatespen ekarri dizkio, beste askoren artean, 2014ko Arkitekturako FAD Nazioarteko Saria, 2007ko Generalitatearen Kultura Sari Nazionala edo 1999ko Diseinuko Bartzelonako Hiria Saria.
2023tik Food Design ikasketak zuzentzen ditu Scuola Politecnica di Milano, SPDn. 2021etik Corraini Edizioniren Unevaluated Essays bildumako komisarioa da. Hori baino lehenago, 2019-2023 aldian, arte, artisautza eta diseinu erakusketen komisarioa izan zen Erromako La Galleria Nazionalen.
Museo askotan erakutsi du bere lana, besteak beste: MoMA Nueva Yorken; MACBA Bartzelonan; Triennalea Milanen; MART Rovereton; Centre Pompidou Parisen; Mudac Lausanan; Galleria Nazionale d'Arte Moderna Erroman; National Museum of Victoria Melbournen; Performa09 Nueva Yorken; Design Museum Londresen; Fondation pour l'Architecture Bruselan; Graphic Design Museum Bredan; Z33 Hasselten; MARTa Herforden; Museum für Gestaltung Zürichen; Centre d'Art Contemporain Genevan eta Magasin 3 Estokolmon.
Obrak ditu ondoko bilduma hauetan: Bartzelonako Diseinuaren Museoa, Nueva Yorkeko MoMA, Vienako MAK, Municheko Pinakothek der Modern, Jerusalemgo Israel Museum, Weil am Rheineko Vitra Design Museum, Utrechteko Centraal Museum eta FRAC Nord-Pas-de-Calais.
Maider López artistak espazio publikoan eta arkitekturan esku hartuz garatzen du lana. Bere lanak asko erakutsi dira estatuan eta nazioartean, adibidez, Venezia, Istanbul, Sharjah eta Prospect-eko biurtekoetan. Proiektuak egin ditu espazio publikoan, hala nola Ataskoa, Polder Cup edo Playa, eta honako erakusketa hauetan parte hartu du:
Arnasa, Arte Ederren Museoa, Bilbo (2022); Hummings, KØS Espazio Publikoetako Arte Museoa, Danimarka (2021); Arnasa, Arte Ederren Museoa, Bilbo (2020); Art is happening, Statens Konstrad, Suedia (2019); Prospect 4. Contemporary Art Triennial. New Orleans (2017); 1645 Tizas. Matadero, Madril (2016); Desplazamiento. Koldo Mitxelena eta MARCO (2015); Play Time. Les Ateliers de Rennes, 4a Biennale D'art Contemporain. Rennes. Frantzia. (2014); Mom, I am Barbarian? 13 Istanbulgo biurtekoa (2013); Mountain. Lower Austria Contemporany (2013); Polder Cup, Skor and Witte de With, Holanda (2010); Eclats, Centro Pompidou-Metz (2010), Sharjah Biennial 9, Arabiar Emirerriak (2009); Line of sight, Zendai Museum of Modern Art, Shanghai (2008); SCAPE Christchurch Biennial of Art in Public Space, Zeelanda Berria (2008); AdosAdos, Guggenheim Bilbao (2007); Columnes, Caixa Forum, Bartzelona (2006) eta Veneziako 51. Biurtekoa (2005).
Maitena Salinas Komunikazio Zientzietan eta graduondoko espezialista Giza Eskubideetan lizentziaduna da EHUn; Coaching eta Mentoringean aditua da UNIRen, EMCC European Mentoring and Coaching Councilek akreditatutako Mentor-Coach-a, Culture of Healthen Harvard Universityn, eta Lidergo Inklusiboan Carlos III.a Unibertsitatean.
25 urte daramatza komunikabideetan lanean giza eskubideetan espezializatutako kazetari moduan eta, aldi berean, bere aktore eta health coach ibilbidea garatu du. Triada profesional horretatik abiatuta enpresa-sareko talde eta profesionalentzako komunikazio-mentorizazioko bere metodoa garatzen du, bai startup-ekin bai estatu mailan finkatuta dauden enpresekin lan eginez, komunikazio eraginkorra, enpresa-lidergoa, taldeen kudeaketa eta osasunaren kultura bezalako arloetan. Ohiko partaidea da askotariko gaiak lantzen dituzten nazioarteko biltzarretan eta bere lehentasunen artean pertsonen eta gizartearen bilakaera positiboa sustatzeko laguntza profesionala ematea dago, betiere norberaren eta ingurunearen osasuna eta gizarte- inklusioa zainduz.
Pez Estudio BBDW24eko emakume arkitekto komisarioen taldea da. 2006tik diseinuko, arkitekturako, hirigintzako eta ikerketa-ekintzako proiektuak garatzen dituzte ikuspegi ekologiko, parte-hartzaile eta feministarekin. Pertsonek ingurumenean duten eragina minimizatzea, hiri inklusiboagoak eta genero-ikuspegia dutenak garatzea, sistema biologikoak eta material naturalak erabiltzea eta lankidetza-testuinguruak sortzea sustatzen dute.
Besteak beste nazioartean Arquia Próxima, Karibeko Arkitektura Biurtekoa, Santo Domingoko Arkitektura Biurtekoa eta Holcim Awards Fundazioaren sariak jaso dituzte. Estudio honen lana nazioarteko hainbat erakunde eta programatan garatu da, hala nola Veneziako Arkitektura Biurtekoan, Nueva Yorkeko MoMAn, Shenzhengo Arkitektura Biurtekoan, Medialab-Pradon eta Madrilgo Intermediae Mataderon.
Elisa de los Reyes García arkitektoa eta Pez Estudioren, Bilboko Wikitoki Elkarlaneko Praktiken laborategiaren eta Inteligencias Colectivas/Zoohaus proiektuaren sortzaileetako bat da. Irakaslea da IED Kunsthalen Aldaketarako Diseinu Masterrean eta hitzaldiak eta workshopak egin ditu Europan eta Amerikan (Parsons The New School NY, MoMA NY, Matadero Madril, Medialab Prado, CCE Liman, Santo Domingon, Txilen, etab.).
Dantza-pista elkar konektatzeko eta kolektibizatzeko aukera moduan ulertuta, Puñalesek Afrikako eta Afro-Karibeko diasporaren erritmo eta soinu aniztasunean oinarritutako soinu-unibertsoa garatu du. Dancehalletik gqomera, global bassetik UK funkyra eta funk kariokatik guaratxara, bere aukeraketak dantzalekua beti piztuta egotea lortzen du.
Diskoak jarri ditu Laboratorio Octogon, El Crystal, Dabadaba eta Jimmy Jazz moduko aretoetan, besteak beste Nexo Malito, Autotune edo Barbarie eta Raks festak bezalakoetan edo, esaterako, 1000gradutan jaialdian, eta kabina BRAVA, Ms Nina, Flaca eta Highkili bezalako artistekin partekatu du.
VUTRON kolektiboko kide da; talde horretan, sound systemaren bidez, dantza-pistaren gainean soinuetan, mugimenduetan eta espazioan esperimentatzea bilatzen dute, Bilboko eszenaren barruan sareak ehuntzea bilatzen duten bitartean.
Antolatzaileak
Kaixo! Bilbao Bizkaia Design Week-en hamargarren edizioaren inaugurazio ekitaldia da eta, aldi berean, Biotik Design, mundua modu jasangarri, zuzen eta berritzaileagoan diseinatzeko eta pentsatzeko modu bat, esploratzeko gonbidapen irekia da.
Saio honetan zehar ibilbide garrantzitsu eta eraldatzailea duten nazioarteko hainbat hizlarik funtsezko ideiak partekatuko dituzte: Gabriela Rendónek, Nueva Yorken bizi den arkitektoak eta hiri-planifikatzaileak eta bere ikuspegi disruptiboengatik ezaguna denak, hiri-eremuan eraldaketarako erronka diren imaginarioei eta jardunbideei buruz hitz egingo du. Domestic Streamersek, datuak emozio bihurtzen aditua den sormen agentziak, eraldaketa ekosozialari buruzko hitzaldi interaktiboa garatuko du ikuspegi esperimental batetik. Martí Guixék, Food Design Fiction-en aitzindariak, janariak aldaketa eta eraldaketarako eragile, "influencerra", bihurtzeko duen ahalmena azalduko digu. Maider Lópezek "Balcones" ekimenari, BBDW24an parte hartzen duen ekintza eta instalazioari buruz, hitz egingo digu.
Gainera topaketan zehar publikoak modu interaktiboan Biotik Design Dekalogoa sortzen laguntzeko aukera izango du, aste osoan gida izango den "Bizitzarako lurraldeak" sortzeko irizpide eta kontzeptu giltzarriak definituz. Horren guztiaren zeremonia-maistra Maitena Salinas izango da, komisariotza lanak burutzen dituen Pez Estudioko Elisa de los Reyesen sarrerarekin.
Azkenik, topagunea eta Sustraiakek prestatuko duen kateringa, La Salve garagardoekin uztartuta, dastatzeko aukera izango dugu. Ekitaldia Puñales DJak girotuko du.
